Noochdem de „Asterix als Palatinator“ so oigschlage hot, gebbt’s jetzert Zores! De Asterix un soi Pälzer streite un zerfe sisch so arg, dass ma määne könnt de Zauberschorle schmeckt uff ämol wie Gewürztraminer mit Hahnewasser. . De Cäsar, der alde räämische Forzathlet, hot nämlisch so en klääne Giftnickel ins gelobte Land zwische Rhoi un Rebe gschickt, der wo mit soim hinnervozzische Hinnerumgebabbel en Riese-Huddel produziert. Un schunn hagelt’s iwwerall pälzische Verbalinjurie, dass es grad so rußt, weeschwie’schmään?! . Wie de Asterix un soi Pälzer aus dem gonze Umuß widder rauskumme erfahre mer am 08.09.2026, do erscheint nämlisch der neie Bond. Alla hopp!
